Nú er í gangi fjölþjóðleg málþing hér á landi um jarð-fræðslu.
Málþingið er hluti af fjölþjóðlegu samstarfsverkefni um þróun náttúruskólastarfs, rannsóknarmiðaðrar umhverfismenntar, fullorðinsfræðslu um sjálfbæra þróun og uppbyggingu fræðslutengdrar ferðaþjónustu í grannbyggðum Vatnajökulsþjóðgarðs. 

Aðalmarkmið verkefnisins í heild snýst um að nýta þekkingu um náttúru- og menningararf í þjóðgörðum og grannbyggðum þeirra til þess m.a. að auka skilning á gildi þeirra og mikilvægi verndunar, efla sjálfsmynd íbúa (ekki síst barna) og byggja upp atvinnustarfsemi í kringum miðlun/sölu upplýsinga um svæðin til ferðamanna.
Miðpunktur verkefnisins á Íslandi er Vatnajökulsþjóðgarður. Helstu samstarfsaðilar þess hérlendis eru Fræðasetur Háskóla Íslands á Hornafirði (verkefnisstjórn), Þekkingarsetur Þingeyinga (Norðursvæði), Þekkingarnet Austurlands (Austursvæði), Framhaldsskóli Austur Skaftafellssýslu (Suðursvæði) og Kirkjubæjarstofa (Vestursvæði). Á hverju svæði verða jafnframt búnir til staðbundnir klasar með þátttöku þjóðgarðsstarfsmanna, skóla- og rannsóknastofnana (m.a. Náttúrustofa), þróunarfélaga, safna og fyrirtækja.

Erlendir samstarfsaðilar eru Háskólinn í Joensuu og Þjóðgarðurinn í Koli (Finnland), Burren GeoPark (Írland) og Þjóðgarðsmiðstöðin í Nordland (Noregur).

Íslenskt heiti verkefnisins er UNN – Umhverfismennt og Náttúruskólastarf á Norðurslóðum.
Nánar má fræðast um verkefnið hér.