Fimmtudaginn 15. maí var haldin námsstefna um útinám á Sauðárkróki. Um hundrað þátttkendur komu til þess að hlýðá á fjölbreytt erindi um útinám og skólastarf og taka þátt í útieldun og umræðum.

Góður andi var á námsstefnunni og var mál manna að hún hafi tekist einkar vel. Á dagskrá voru erindi um útinám frá öllum skólastigum.

Ólafu Proppé rektor Kennaraháskóla Ísland setti námsstefnun með ávarpi þar sem fjallaði um mikilvægi þess náms sem á sér stað úti og tengdi m.a. við persónulega reynslu sína af skáta- og björgunarstörfum.

Guðrún Þóra tengdi útinám, ferðaþjónustu og nám í háskóla skemmtileg saman. Björg Pétursdóttir fjallaði um náttúrufræði tengd umhverfi framhaldskólanema. Hún fléttaði saman umfjöllun um námsskrá og þróunaráfanga í jarðfræði, efnafræði og eðlisfræði. Kristín Einarsdóttir sagði frá ferðalögum í Smáraskóla og Jakob gerði grein fyrir rannsókn sem hann er að gera á hálendisferðum skólans. Ingibjörg Stefánsdóttir leiddi námsstefnugesti inní leikskólann Álfheima á Selfossi þar sem markvisst er unnið með útnám. Vanda varpaði svo kastljósi á tengsl barna við náttúruna og hvernig þau hafa minnkað á liðnum áratugum.

Á námsstefnunni var rík áhersla lögð á útieldun. Guðmundur Finnbogason heimilisfræðikennari var með sýnikennslu í útieldun þar sem m.a. var madreidd frönsk kjötsúpa, kakó, fiskur í dagblaði, eggjakaka og poppað. Einnig kynnti Þorsteinn Fjalar Þráinsson vörur til úteldunar frá Muurikka og Kristleifur kynnti ratleikjabúnað frá Rakó ehf.

Skúli Skúlason rektor Hólaskóla sleit námsstefnunni með hvetjandi hugvekju um hlutverk útinámsins í leit mannsins að skilningi á veröldinni.

Myndir frá námsstefnunni má sjá hér.

Námsstefnan var haldin af Kennaraháskóla Íslands í tilefni af 100 ára afmæli skólans í samvinnu við Fjölbrautaskóla Norðurlands vestra, Farskólann – miðstöð símenntunnar, Hólaskóla – háskólann á Hólum og grunn- og leikskóla í Skagafirði. Styrktaraðili námsstefnunnar var Kaupfélag Skagfirðinga. Skipuleggjendur námsstefnunnar voru Jakob F. Þorsteinsson meistaranemi við KHÍ og Vanda Sigurgeirsdóttir lektor við KHÍ.